الطبيب
يسجّل الكشف وهو مع المريض من الموبايل، من غير ما يفتح 5 شاشات.
الكشف خطوة بخطوة
من الشكوى للفاتورة والمعاد الجاي، في كشف واحد
Krown بيمشّيك في الكشف خطوة خطوة: المريض، الشكوى والسنة، اللي اتعمل، الروشتة، الحساب، والمعاد الجاي — وكل خطوة بتتحفظ لوحدها.
- 8 خطوات واضحة من غير ما تدوّر في القوايم
- كل خطوة بتتحفظ وتكمّل من مكان ما وقفت
- الفاتورة بتتعمل لوحدها من العلاج
بيشتغل إزاي
شاشات حقيقية من Krown — على الموبايل والكمبيوتر. دوس على أي صورة تكبّرها.
-
1
المريض والطبيب
من مواعيد النهارده بضغطة، أو دوّر بالاسم أو الموبايل أو الكود — أو ضيف مريض جديد بالاسم والموبايل من نفس الشاشة.
-
2
الشكوى وفين المشكلة
ألم، تسوس، خلع، تنظيف، تقويم، طوارئ… ودوس على السنة في الرسم — والسنة اللي ليها حالة في خريطة الأسنان عليها خط ملوّن.
-
3
اللي اتعمل والروشتة
العلاج من قائمة خدماتك بسعره، والمستلزمات، وبعدين روشتة جاهزة بدوسة واحدة أو دواء بالبحث — أو «مفيش روشتة».
-
4
الحساب في نفس الكشف
الفاتورة بتتعمل من العلاج لوحدها: خصم أو «قرّب لأقرب 100»، دفع كله أو النص أو بعدين، واللي عليه من فواتير قديمة قدامك، وطريقة الدفع: كاش، إنستاباي، كارت، أو بعدين.
-
5
الفاتورة والإيصال، والمعاد الجاي
الفاتورة والإيصال بيتعملوا في نفس الخطوة وتطبعهم A4 أو حراري. بعدها المعاد الجاي: بكرة، 3 أيام، أسبوع، أسبوعين، شهر — وفي الآخر ملخص الكشف كله في صفحة، وسجل الكشوفات بيتطبع ويطلع Excel.
لمين؟
الميزة دي معمولة للي بيعيش اليوم ده كل يوم.
الاستقبال
يلاقي الفاتورة جاهزة من الكشف، ويحصّل ويحجز المعاد الجاي على طول.
العيادة الجديدة على النظام
الخطوات بتعلّم الفريق الترتيب الصح للكشف من أول يوم.
أسئلة بتتكرر
لو سؤالك مش هنا، كلّمنا على واتساب.
لو قفلت الصفحة في نص الكشف؟
كل خطوة بتتحفظ لوحدها، والكشف بيفضل «مسودة» تكمّله من مكان ما وقفت — من الرئيسية أو من ملف المريض.
لازم أعدّي على كل الخطوات؟
لا — الروشتة والمعاد الجاي اختياريين وتقدر تتخطاهم، والمستلزمات لو سبتها فاضية مفيش حاجة بتتخصم.
لو رجعت عدّلت المستلزمات، هتتخصم مرتين؟
لا، Krown بيخصم الفرق بس، ولو مسحت المسودة المستلزمات بترجع المخزن.
الموعد بيتقفل لوحده؟
أيوه — أول ما تبدأ الكشف من الموعد بيبقى «في الكرسي»، ولما تنهي الكشف بيبقى «تم».
جرّب كشف كامل في دقيقتين
سجّل عيادتك برقم موبايلك، وابدأ أول كشف من الشكوى للفاتورة.